BIYUNG
Wus ora dak eling-eling pira yuswamu
Bakune ing sasi iki
Ana dina kagem panjenengan
Sing jare nate ngundang aku
Nalika embanmu kesandhung kahanan
Biyung
Apa ora kleru kudanganmu
Nyatane mrucut saka sakabehing pengangen
Aku mung gawe kucem netramu
Nalika pangrasa kagubel angkara
Mbujung banda lan wanita, dadi
Lali purwa duksina
Sing ana amung swarga ndonya
Tibake kebak apus karma
Biyung
Entenana aku, nyawisake banyu bening
Kanggo masuh astamu
Dadi bisa nenuntu aku
Bali menyang guwa garbamu
Tidak ada komentar:
Posting Komentar